Pinarangalan bilang Most Inspiring Woman of the Earth 2024 si Mayor Belen T. Fernandez ng World Against Corruption (WAC) People Council and WAC Book of World Records International New Delhi, India – isang pagkilala hindi lamang sa buong Pilipinas, kundi pati rin sa mga bansa sa Asia.
Pagbabahagi ni Dr. Edwin Ferrer, Public Schools District Supervisor/Division ALS Focal Person na kasama sa pagtanggap ng award noong October 26 sa Federation Center, Muelle de Binondo St, Binondo Manila, ito ay para sa pagsisibling inspirasyon at motivation ng alkalde sa pagpapabuti ng lungsod at ng buong mundo.
“Hindi natin ine-expect itong ginagawa nating trabaho, yung sinseridad natin sa trabaho, pagiging compassionate, may passion to serve, may puso, empathy, ay napapansin pala nila. ‘Yung lahat ng sakripisyo natin dito sa siyudad, alam nating mahirap ang dinaanan natin…pero hindi natin alam na ang siyudad ng Dagupan ay nakaka-inspire pala sa iba at sa lahat,” mensahe ng alkalde.
“This is an inspiration of what we have done for the people of Dagupan. It is not the Mayor alone, but it is all of us.”
Dagdag pa ni Mayor Belen, “Let’s continue to inspire people. This award is all from the glory of God.”
